Foydalanish shartlari

Oxirgi yangilanish: 2026-09-19

Ushbu Foydalanish shartlari (keyingi o'rinlarda — "Shartlar") Smart-Test platformasi (keyingi o'rinlarda — "Platforma", "biz")dan foydalanish tartibini belgilaydi. Platformaga ro'yxatdan o'tish yoki undan foydalanish orqali siz ushbu Shartlarga rozilik bildirasiz.

1. Xizmat tavsifi

Platforma testlar yechish, o'quv kurslarini o'tash va bilimni sinash uchun mo'ljallangan. Foydalanuvchilar uchta rolga bo'linadi: o'quvchi (test yechadi, kurslarga obuna bo'ladi), o'qituvchi (test/kurs yaratadi, guruh boshqaradi) va administrator (platformani boshqaradi).

2. Ro'yxatdan o'tish va hisob

• Ro'yxatdan o'tish uchun foydalanuvchi nomi, ism-familiya, ish/o'qish joyi, lavozim va telefon raqami talab qilinadi; email manzil ixtiyoriy va tasdiqlashni talab qilmaydi — hisob ro'yxatdan o'tishning o'zidayoq faollashadi.
• Foydalanuvchi o'z login va parolining maxfiyligi uchun mas'uldir.
• Bitta hisobni faqat bitta shaxs ishlatishi kerak.
• 5 marta ketma-ket noto'g'ri parol kiritilsa, hisob xavfsizlik maqsadida vaqtincha (10 daqiqaga) bloklanadi.

3. To'lovlar va obunalar

• O'qituvchi (ADMIN) huquqi va ba'zi kurslar pullik obuna asosida beriladi.
• To'lov ikki xil tartibda amalga oshirilishi mumkin: administrator tomonidan qo'lda ko'rib chiqilib tasdiqlanadi (saytdan tashqarida amalga oshirilgan to'lov asosida), yoki Click onlayn to'lov tizimi orqali avtomatik.
• To'lov summasi va muddati obuna tasdiqlangan vaqtda ko'rsatiladi.

3.1. To'lovni qaytarish (refund) siyosati

Quyidagi qoidalar administrator (ADMIN) huquqi va kurs obunalari uchun to'langan barcha to'lovlarga amal qiladi.

To'liq qaytariladi, agar:

• to'lov texnik xato tufayli amalga oshgan bo'lsa (masalan, bir xil to'lov ikki marta yechilgan yoki tizim xatosi tufayli noto'g'ri summa olingan bo'lsa);
• to'lovdan keyin berilgan huquqdan (kurs bo'limi, ADMIN imkoniyatlari) HALI FOYDALANILMAGAN bo'lsa VA murojaat to'lov sanasidan keyingi 3 kun ichida yuborilgan bo'lsa.

Qaytarilmaydi, agar:

• berilgan huquqdan (kurs bo'limi ochilgan, test/mashg'ulotdan foydalanilgan, va h.k.) allaqachon faol foydalanilgan bo'lsa;
• obuna muddati allaqachon tugagan bo'lsa;
• hisob ushbu Shartlarni buzgani uchun bloklangan bo'lsa.

Qaytarish qanday amalga oshiriladi: Click orqali (onlayn) to'langan bo'lsa — qaytarish xuddi shu to'lov manbasiga (karta/hisob), Click tizimi orqali amalga oshiriladi. Agar to'lovni bekor qilish (chargeback) sizning bankingiz yoki Click orqali to'g'ridan-to'g'ri boshlangan bo'lsa, berilgan huquq tizim tomonidan AVTOMATIK bekor qilinadi. Qo'lda (bank o'tkazmasi yoki Telegram orqali to'g'ridan-to'g'ri) to'langan bo'lsa — qaytarish xuddi shu usul orqali, administrator tomonidan qo'lda amalga oshiriladi.

Qaytarish uchun murojaatlar email yoki Telegram bot orqali qabul qilinadi va odatda 3 ish kuni ichida ko'rib chiqiladi. Yakuniy qaror administratorga tegishli.

4. Foydalanuvchi kontenti

Foydalanuvchilar (o'qituvchilar) savol, javob, izoh va kurs materiali sifatida rasm/video yuklashi mumkin. Yuklangan fayllar avtomatik tekshiruvdan (fayl turi va antivirus) o'tadi. Zararli, noqonuniy yoki mualliflik huquqini buzuvchi kontent yuklash taqiqlanadi — bunday kontent ogohlantirishsiz o'chirilishi va hisob bloklanishi mumkin.

5. Taqiqlangan xatti-harakatlar

• Boshqa foydalanuvchining hisobidan ruxsatsiz foydalanish;
• Platformaning ishlashiga xalaqit beruvchi harakatlar (masalan, avtomatlashtirilgan so'rovlar, zararli fayl yuklash);
• Boshqa foydalanuvchilarni haqorat qilish yoki bezovta qilish.

6. Javobgarlikni cheklash

Platforma "shundayligicha" (as is) taqdim etiladi. Biz uzluksiz, xatosiz ishlashga harakat qilamiz, lekin texnik uzilishlar yoki xatolar uchun javobgarlikni to'liq kafolatlay olmaymiz.

7. Shartlarga o'zgartirish kiritish

Ushbu Shartlar vaqti-vaqti bilan yangilanishi mumkin. Muhim o'zgarishlar haqida saytdagi bildirishnoma orqali xabar berishga harakat qilamiz.

8. Aloqa

Savol yoki shikoyatlar bo'yicha: behzodkomilov84@gmail.com